Nieuws

Beste cursist(e),

Lezen en luisteren, twee belangrijke elementen van jouw Papiaments-leerproces. Daarom lees ik (bijna) dagelijks iets aan jou voor. Lees mee, luister goed en zeg mij na. De gelezen teksten zijn korte teksten.  Ik moedig je aan om boeken en kranten te kopen en zelf meer (hardop) te lezen. Schrijf je vragen op en wij bespreken ze tijdens onze volgende sessie.

Te despues!

Tirá den pia

TIRÁ DEN PIA

WILLEMSTAD – Ayera nochi un hòmber a risibí bala for di arma di kandela na momentu ku e tabata na un snèk den área di Juan Domingo. E balanan a alkansá e víktima parti abou di su kurpa. Pero asina mes e hòmber a sali na kareda pa skapa su bida. Riba Jan Noorduynweg el a kai riba kaya. Ta aki polis i tambe ambulans a presentá pa dun’é asistensia. Riba foto por mira momentu ku ta bai ku e víktima. Polis ta investigando e kaso. 

Tremendo ‘Parada di Alegria’

TREMENDO “PARADA DI ALEGRIA”

WILLEMSTAD –  Den kuadro di selebrashon di Dia Internashonal di Personanan Desabilitá, Krus Kora Kòrsou a organisá “Paranda di Alegria 2022” un biaha mas.  Un biaha mas esnan ku a kore den vehíkulonan grandi a gosa un bòl. Pues otro tremendo edishon di “Parada di Alegria”.

Problema entre bisiña a resultá den dos detenshon

PROBLEMA ENTRE BISIÑA A RESULTÁ DEN DOS DETENSHON

WILLEMSTAD – Un kantidat di patruya a keda dirigí ku urgensia pa Noord Zapateer ayera nochi despues di a risibí informashon, ku lo mester tin un bringamentu formal entre algun bisiña. Ta trata di un problema ku ya tin algun dia tumando lugá i ayera esaki a kulminá den un bringamentu formal. Un di e personanan enbolbí a resultá heridá ku vários kap serio na su brasa, esaki despues ku su agresor a kap e ku machete. Te ku promé ku Extra a bai imprenta, sentral di polis tabata despachando vários patruya pa e sitio atrobe.

Hopi awa

HOPI AWA

WILLEMSTAD – Ayera tabata otro dia di yobida fuerte. Práktikamente henter dia. Kuminsando for di oranan di mardugá. Esaki apesar ku ta den rekta final, pa loke ta trata temporada di orkan ku ta finalisá mañan dia 30 di novèmber. Naturalesa tin bia ta kousa problema pero tambe ta sòru pa bistanan bunita. Den e kaso akí nos mester menshoná e kantidat di awa ku ta forma “waterval”. Riba e foto akí por mira den área di Julianadorp kon awa ta kore for di un dam, halando atenshon di hopi hende.

Yena buraku ta aliviá

Yena buraku ta aliviá

WILLEMSTAD – E aña akí Kòrsou a haña bastante áwaseru, i ainda aña no a kaba. 
Konsekuensia di esei ta ku hopi di nos kareteranan – ku ya ta den mal estado – ta bira pió. Tin buraku tur kaminda, pero n’e momentunan akí e úniko kos ku por hasi pa aliviá e situashon, ta di tapa/yena e burakunan akí ku asfalt. Sperando ku un dia e kaminda lo haña un bachi mas bunita. No ta e mihó bista, pero ta skapa tayer i piesa bou di hopi outo. Ademas kon ku bai bin, un kantidat di nos hendenan ta kai den trabou pa un periodo. Laga nos demostrá un tiki komprenshon!

Kongestion riba brùg

KONGESTION RIBA BRÙG

WILLEMSTAD – Un aksidente ku a tuma lugá na bahada di brùg riba Presidente 
Rómulo Betancourt Boulevard direkshon Saliña, tabata motibu pa basta kongestion den tráfiko ayera atardi. Pa motibu ku ainda no ta muchu kla, un vehíkulo a dal den un otro i pone ku ámbos shofùr a pèrdè kontròl riba nan stür i bòltu. Konsekuentemente henter e lado di brùg Juliana kaminda e aksidente a tuma lugá a keda kompletamente blòkiá. Polisnan a presentá na e sitio pa por yuda dirigí tráfiko miéntras ku tabata atendé ku e aksidente.

Siman di kaha di òrgel

SIMAN DI KAHA DI ÒRGEL

WILLEMSTAD – Den e fin di siman ku a pasa a tuma lugá riba Plasa Alameda den Punda, e apertura di ‘Siman di Kaha di òrgel’. Un aktividat ku a konta ku presensia di un bon públiko kaminda nan por a disfrutá di e músika di Kaha di òrgel i alabes presensiá demostrashon di baile di diferente skol di baile. Durante e aktividat måinister sr. Sithree van Heydoorn a duna un rekonosementu na sr. Buchi Boekhoudt di hermana isla Aruba pa su esfuersonan inkansabel pa sigui konstruí, konservá i popularisá e músika di Kaha di òrgel riba islanan Aruba, Boneiru i Kòrsou. Riba e potrèt akí por mira Buchi Boekhoudt na man robes durante un di e piesanan.

Dia international di toleransia

DIA INTERNASHONAL DI TOLERANSIA

WILLEMSTAD. – Toleransia ta e punto di salida ku nos mester tene na kuenta den desaroyo di un pais. Nos ta bibando den un mundu muchu mas desaroyá kaminda nos tin tur medio na nos alkanse pa komuniká ku otro. Promoshon di solidaridat moral i intelektual ta okupá un lugá sentral den e mandato di UNESCO. Asamblea General di Nashonnan Uní na 1995 a proklamá 16 di novèmber Dia Internashonal di Toleransia. Esaki riba proposishon di Reunion General di UNESCO.

Kanal den Kaya

KANAL DEN KAYA

WILLEMSTAD.- Abitantenan den Kaya Bolivar na Souax no sa mas kiko nan tin di hasi pa nan por haña poko yudansa. E kaya no tin solamente buraku pero ta kanalnan ku awa a koba den e kaya, formando peliger pa hende na pia i outomobilistanan. Dor di e áwaseru torensial ku nos tabatin algun dia tras di lomba, e situashon di e kaya akí a empeorá mas. Abitantenan ta pidi ousilio.

Basta droga konfiská

BASTA DROGA KONFISKÁ

WILLEMSTAD – Un boto piskadó lokal ku tabata nabegá den nos awanan teritorial a keda interseptá, transportando basta droga ayera.  Wardakosta a interseptá e boto akí den oranan tempran di mèrdia, i a bai mésora na listra i a topa basta droga. Despues ku e outoridatnan a kaba di pisa e droga, a bai ofer na kima esaki mésora. Riba e foto por mira e outoridatnan riba kaminda rumbo pa bai kima e droga.

Tayer na kandela

Voorzijde van krant Extra 9 november 2022

WILLEMSTAD. – Pa di tantísimo biaha unidatnan di bombero a keda dirigí pa área di Parera pa atendé ku un kandela ku a surgi. Ayera for di distansiananbasta leu por a tuma nota di hopi huma pretu ku tabata bai laira. Hopi tabatapuntra kiko realmente tabata na kandela. Ora ku e promé patruya di polis a yegana e sitio nan a tuma nota ku un biaha mas un kantidat di tayer ta na kandela. Polis ta investigando pa saka afó ken ta responsabel pa esaki.

Vehíkulo ta drenta den Mc Donald’s na Sta. Rosa

Voorzijde van krant Extra 8 november 2022

WILLEMSTAD. – Por poko tabatin un drama ayera ora ku un vehíkulo pa motibunan deskonosí a resultá den e restorant. E promé bista despues di e aksidente a krea un impreshon ku aki ta trata di un desgrasia grave, si tuma nota kon e vehíkulo a drenta i yega na un mesa ku tabata kantu di e muraya di glas. Por mira klaramente ku e outo a drenta yega te kaminda hende lo por tabata sintá. Afortunadamente no tabatin hende sintá na e mesa enkuestion ku awe lo mester a lamentá. Polis a tuma deklarashon di e shofùr ku a splika ku e outo a hasi kos straño i el a resultá den e restorant. E investigashon ta kontinuá.